Rrezik në Debresh: Ariu shfaqet te oborri i shkollës, thirrje urgjente për kujdes

Një ngjarje e pazakontë ka shqetësuar banorët e fshatit Debresh, pasi një ari është shfaqur në zonën e parkingut pranë shkollës fillore “Faik Konica”. Prania e kafshës së egër është regjistruar nga kamerat e sigurisë të instaluara në ambientet e institucionit arsimor. Pas këtij rasti, Shoqata e fshatit Debresh ka lëshuar një paralajmërim zyrtar, duke u bërë thirrje qytetarëve që të tregojnë vigjilencë të lartë. Apeli i veçantë u drejtohet prindërve dhe fëmijëve që lëvizin në orët e hershme të mëngjesit drejt shkollës. Autoritetet lokale dhe përfaqësuesit e fshatit kërkojnë nga banorët që të kufizojnë lëvizjet e panevojshme në hapësirën ku është konstatuar prania e ariut, me qëllim shmangien e ndonjë incidenti të mundshëm.