Pedagogët marshojnë drejt Kryeministrisë në mbështetje të protestës studentore

Sindikata e pedagogëve ka organizuar ditën e sotme një marshim proteste, duke nisur nga Kampusi i Universitetit Politeknik të Tiranës e deri para ndërtesës së Kryeministrisë. Kjo lëvizje vjen në shenjë solidariteti me studentët dhe nxënësit, të cilët prej disa muajsh kërkojnë ndryshime rrënjësore dhe kushte më të mira për arsimin. Gjatë këtij tubimi, kryetari i Sindikatës së Pedagogëve, Sandër Kovaçi, ka bërë një thirrje publike për prindërit, duke u kërkuar atyre që të bashkohen dhe të mbështesin fëmijët e tyre në këtë betejë për të drejtat dhe përmirësimin e standardeve akademike.