Situatë alarmante në Spitalin e Traumës: Humbet energjia elektrike, spitali zhytet në errësirë

Një defekt teknik në rrjetin elektrik ka prekur pasditen e kësaj të hëne, rreth orës 19:30,ambientet e Spitalit të Traumës në kryeqytet, duke shkaktuar ndërprerjen e menjëhershme të dritave. E gjithë struktura e këtij institucioni shëndetësor ka mbetur pa furnizim me energji për një kohëzgjatje prej afërsisht dy minutash, përpara se shërbimi të rikthehej sërish në normalitet. Bëhet fjalë për një qendër të rëndësishme mjekësore, ku zakonisht marrin ndihmën e parë personat e lënduar gjatë tubimeve apo efektivët e rendit që përballen me situata të ndryshme. Po kështu, ky spital përfaqëson pikën kryesore të trajtimit për rastet më emergjente, duke përfshirë aksidentet rrugore dhe plagosjet me armë zjarri që kërkojnë ndërhyrje të menjëhershme.