Përballje dramatike në Klinë: Dukagjini dhe Drenica ndajnë nga një pikë

Ndeshja e vlefshme për javën e 10-të në elitën e futbollit kosovar mes Dukagjinit dhe Drenicës nuk ka prodhuar një fitues, ku skuadrat kanë mbyllur takimin me barazimin 1:1. Vendasit patën një nisje elektrizuese në stadium, pasi humbën një penallti në minutën e katërt, por u kundërpërgjigjën menjëherë duke zhbllokuar shifrat në minutën e pestë përmes Basriut. Megjithatë, rrjedha e lojës ndryshoi në minutën e 16-të kur Dukagjini mbeti me një futbollist më pak në fushë pas ndëshkimit të Gashit me karton të kuq. Kuqezinjtë nga Drenica nuk vonuan ta shfrytëzonin këtë epërsi numerike, duke barazuar rezultatin në minutën e 20-të me anë të Zekës. Pjesa e parë u vulos me këto dy gola, ndërsa fraksioni i dytë solli lojë të kujdesshme dhe mungesë konkretizimi, duke bërë që skuadrat të pajtohen në fund me ndarjen e pikëve.