Gjykimi për sulmin terroriste në Ibër-Lepenc: Niset seanca e radhës në Prishtinë

Ka nisur zhvillimin e saj seanca e re gjyqësore ngarkuar ndaj tre personave që akuzohen për sulmin e ndodhur në kanalin e ujit të Ibër-Lepencit, ngjarje kjo e regjistruar në fshatin Varagë të Zubin Potokut. Procesi gjyqësor po zhvillohet pranë Gjykatës Themelore në Prishtinë, ku në bankën e të akuzuarve janë ulur Dragisha Viqentijeviq, Jovan Viqentijeviq dhe Igor Dimoviq. Sipas dosjes hetimore, vëllezërit Dragisha dhe Jovan Viqentijeviq akuzohen për veprën penale të rrezikimit të rendit kushtetues përmes shkatërrimit apo dëmtimit të instalimeve dhe pajisjeve publike në kuadër të terrorizmit, si dhe për mbajtje pa leje të armëve. Ndërkohë, Jovan Viqentijeviq përballet shtesë edhe me akuzën e spiunazhit. Aktualisht, dy vëllezërit ndodhen nën masën e paraburgimit, ndërsa i pandehuri i tretë, Igor Dimoviq, po mbrohet në liri. Kujtojmë se shpërthimi tronditës ndodhi mbrëmjen e 29 nëntorit 2024 në fshatin Varagë të komunës së Zubin Potokut. Sipas pretendimeve të ngritura në aktakuzë, brenda kanalit ishte vendosur një çantë e mbushur me afro 20 kilogramë lëndë plasëse TNT, ku dyshohet se pikërisht Jovan Viqentijeviq ka qenë ai që ka aktivizuar fitilin shpërthyes. Ky sulm i rëndë shkaktoi dëme të konsiderueshme në infrastrukturën kritike të furnizimit me ujë dhe njëkohësisht rrezikoi seriozisht vazhdimësinë e furnizimit për termocentralet e Korporatës Energjetike të Kosovës.