Thirrja për dialog pa kushte, Edi Rama i përgjigjet organizatave të shoqërisë civile

Kryeministri i Shqipërisë, Edi Rama, ka bërë një reagim të radhës në platformat sociale, duke iu përgjigjur një deklarate të përbashkët të lëshuar nga një sërë organizatash lidhur me zhvillimet e fundit rreth protestës. Në këtë thirrje publike, përfaqësuesit e sektorit civil u kërkuan krerëve të shtetit dhe aktorëve politikë që të ulin tensionet retorike, të hapin rrugë për komunikim dhe të garantojnë respektimin e së drejtës për tubim paqësor. Në kundërpërgjigjen e tij, kreu i ekzekutivit shqiptar ka theksuar se hapi i parë duhet të ndërmerret nga vetë autorët e thirrjes, ndërkohë që qeveria është e gatshme të përfshihet. Rama kërkoi gjithashtu një distancim të qartë nga aktet e dhunës, përdorimi i gurëve, dëmtimi i institucioneve dhe përfshirja e të miturve në këto ngjarje, me qëllim që të mbrohen qytetarët që protestojnë në mënyrë paqësore nga ata që ai i cilësoi si dhunues në krye të kësaj lëvizjeje. Sipas tij, mbrojtja e jetës dhe e dinjitetit njerëzor është një detyrim i përbashkët që nuk duhet të cenohet nga lojëra politike. Duke mbyllur reagimin e tij, kryeministri ka përsëritur gatishmërinë e plotë për t'u ulur në bisedime, duke përdorur fjalët: “Bujrum, DIALOG. Ku të doni. Kur të doni. Pa kushte”. Reagimi i organizatave shoqërore përfshinte thirrje të qarta ndaj politikës për shmangien e gjuhës nxitëse, garantimin e hapësirave për dialog, respektimin e protestës paqësore dhe mbrojtjen e sigurisë e të dinjitetit të çdo qytetari, duke nënvizuar se asnjë jetë njerëzore nuk duhet të rrezikohet. Kjo thirrje e përbashkët u mbështet dhe u nënshkrua nga një numër i madh organizatash, ku bëjnë pjesë Civil Rights Defenders, ShqipëriSCI, DEVRrjeti, AWEN, Qendra Aleanca Gjinore për Zhvillim, Qendra “Faktoje”, Albanian Institute of Science (AIS), Rrjeti Ballkanik për Gazetari Investigative në Shqipëri (BIRN Albania), Rrjeti Erasmus Tirana, Citizens.al, Qendra Amfora, Qendra për Mbrojtjen e Mjedisit dhe Zhvillim të Qëndrueshëm, Qendra për Ruajtjen dhe Mbrojtjen e Mjedisit Natyror në Shqipëri (PPNEA), Qendra Shqiptare për Kërkime Ekonomike (ACER), Partnerët Shqipëri për Ndryshim dhe Zhvillim, Qendra Për Studime të Krahasuara dhe Ndërkombëtare/QSKN, Qendra Shqiptare për Gazetari Cilësore, Rrjeti i Informimit dhe Qytetarisë Aktive (INACO), Organizata ‘Together for Life’, Asosacioni i Gazetarëve të Shqipërisë (ASHG), Rrjeti i Profesionistëve të Rinj, Fondacioni ‘Së Bashku’ dhe Unioni i Gazetarëve Shqiptarë.