Triumf historik në udhëtim dhe dedikim special për Albian Hajdarin: Hoffenheimi gjen fitoren e parë

Hoffenheimi ka arkëtuar tri pikë tepër të rëndësishme në udhëtim ndaj Borussia Mönchengladbachut, duke shënuar kështu suksesin e parë si mysafir në kuadër të këtij sezoni në Bundesligë. Edhe pse skuadra gjermane nuk pati nisjen më të mirë të mundshme në këtë edicion futbollistik, paraqitjet dhe rezultatet e fundit sinjalizojnë një kthesë pozitive, duke i dhënë shpresa klubit për t'u ngjitur në zonën e sigurt të tabelës. Përveç rëndësisë së rezultatit, klubi ka vendosur t'ia dedikojë këtë fitore dy lojtarëve të dëmtuar aktualisht, Albian Hajdarit dhe Nathan de Catit. Falë këtij triumfi, Hoffenheimi ngjitet në kuotën e gjashtë pikëve, duke pozicionuar veten në vendin e 14-të të renditjes tabelore. Mbrojtësi i Kombëtares së Kosovës sapo kishte lënë pas dëmtimin e pësuar gjatë grumbullimit me Përfaqësuesen, por fatkeqësisht pësoi një tjetër lëndim në këmbë gjatë seancave stërvitore me fanellën e klubit gjerman. Për pasojë, Hajdari do të detyrohet të qëndrojë larg fushave të blerta edhe për disa javë të tjera.