Ish-futbollisti Cecelia: Vushtrria humbi dy sponsorë të fuqishëm për shkak të mosmarrëveshjes për drejtimin e skuadrës

Ish-futbollisti dhe trajneri vushtrrias, Cecelia, ka bërë të dinit se skuadra e Vushtrrisë ka lëshuar nga dora një mundësi të artë financiare, pasi do të siguronte dy mbështetës të fuqishëm ekonomikë nëse atij i do t'i besohej stoli i teknikut. Këto prapaskena ai i ka bërë publike gjatë paraqitjes së tij në emisionin “VAR” në Tëvë1, ku ka shtjelluar vizionin e tij sportiv dhe situatën aktuale në klubin e Vushtrrisë. Sipas rrëfimit të tij, ai kishte nisur bisedime konkrete me një kompani italiane dhe një tjetër me pronësi turko-gjermane për t'i sjellë si sponsorë në klub. Megjithatë, pasi drejtuesit vendosën të mos ia besonin atij projektin sportiv, Vushtrria mbeti pa këtë mbështetje të rëndësishme financiare. Në të njëjtën kohë, gjatë diskutimit televiziv, Cecelia ndau mendimin e tij për punën që po bën Kollari, duke e cilësuar angazhimin e këtij të fundit si pozitiv në raport me kapacitetet reale që posedon klubi. Në fund të prononcimit të tij, ai nuk la pa përmendur edhe ecurinë e skuadrës, duke dhënë vlerësime pozitive për disa nga ndeshjet dhe paraqitjet e fundit të Vushtrrisë në fushën e blertë.