Humbja e madhe e supermodeles Cindy Crawford, ndërron jetë djali i ei 27-vjeçar, Presley Gerber

Supermodelja e njohur Cindy Crawford po kalon periudhën më të errët dhe më të dhimbshme të jetës së saj, pas ndarjes nga jeta të djalit të saj të vetëm, Presley Gerber. Ajo ka ndarë me ndjekësit në rrjetet sociale një mesazh tejet prekës, përmes të cilit ka kujtuar të birin dhe ka shprehur pikëllimin e thellë që ka pushtuar të gjithë familjen. Të dielën, Crawford publikoi në llogarinë e saj në Instagram një fotografi bardhezi të Presleyt, shoqëruar me fjalë zemre, ku theksoi se ajo dhe familja gjenden të shkatërruar shpirtërisht nga kjo humbje e parakohshme. “Jemi jashtëzakonisht të bekuar që patëm fatin ta kishim Presleyn në jetën tonë për 27 vjet. Ai ishte një shpirt i ëmbël dhe i bukur, që dha dhe mori shumë dashuri, dhe kështu do të mbetet për jetë”, ka shkruar ndër të tjera supermodelja. Në shkrimin e saj emocionues, ajo vuri në dukje se familja ndjehet krenare për dritën dhe mënyrën se si Presley e kaloi jetën e tij, duke veçuar mbi të gjitha natyrën e tij të mirë dhe ndjeshmërinë e lartë. Së bashku me dhimbjen, ajo përcjelli edhe një falënderim të sinqertë për këdo që i është gjendur pranë në këto momente tragjike, duke përfshirë edhe qytetarë të panjohur që kanë dërguar shprehje ngushëllimi dhe mbështetje morale. “Derisa të takohemi përsëri, biri ynë i shtrenjtë. Të duam përgjithmonë. Mami, babi dhe Kaia”, përmbyllet dedikimi i saj.