Hoffenheimi triumfezon në udhëtim, paraqitje pozitive nga dyshja Asllani dhe Avdullahu

Futbollistët kosovarë, Fisnik Asllani dhe Leon Avdullahu, kanë regjistruar një tjetër paraqitje të rëndësishme në kampionatin gjerman, duke kontribuar në suksesin e radhës të skuadrës së tyre në elitën e futbollit gjerman. Në kuadër të javës së gjashtë të Bundesligës, Hoffenheimi ka arkëtuar tri pikë të plota si mysafir, pasi mposhti me rezultatin 2:1 skuadrën e Borussia Moenchengladbachut. Në këtë duel, Asllani ishte pjesë e formacionit startues dhe u aktivizua deri në minutën e 69-të, ndërsa mesfushori Avdullahu bëri një paraqitje të plotë, duke u paraqitur në fushë përgjatë gjithë takimit.