Incidentet në protestë: Tre të plagosur kërkojnë ndihmë mjekësore, mes tyre një 15-vjeçar

Përleshjet dhe tensionet e regjistruara gjatë protestës së 18 tetorit kanë lënë pas tre të lënduar, të cilët janë dërguar për ndihmë mjekësore në Spitalin Universitar të Traumës. Lajmi është konfirmuar zyrtarisht nga Ministria e Shëndetësisë dhe Mirëqenies Sociale përmes një njoftimi të bërë publik në orën 16:00. Sipas të dhënave zyrtare nga dikasteri shëndetësor, në mesin e personave që po marrin trajtim janë një efektiv i policisë, një 15-vjeçar dhe një punonjëse e medias. Autoritetet shëndetësore bëjnë me dije se gjendja e tre të dëmtuarve është e stabilizuar. Aktualisht, ata po u nënshtrohen kontrolleve të detajuara dhe po marrin kujdesin e duhur nga ekipi mjekësor dhe infermieror. Në të njëjtën komunikatë, Ministria e Shëndetësisë ka hedhur poshtë me forcë zërat dhe spekulimet që qarkullojnë në rrjet për navjoftimet rreth vdekjes së një të mituri, duke i cilësuar ato si plotësisht të rreme.