Efikasitet dhe kthesë e madhe: Pjesë e parë e çmendur me tre gola në Malishevë

Pjesa e parë e duelit ndërmjet Malishevës dhe Vushtrrisë ka dhuruar spektakël dhe lojë tejet efikase, duke u mbyllur me epërsinë e vendasve dhe plot tri herë tifozohet ndryshimi i rezultatit në tabelë. Ky takim është i vlefshëm për xhiron e dhjetë të Superligës së Kosovës në futboll. Mysafirët nga Vushtrria e nisën më mirë takimin, duke kaluar në epërsi qysh në minutën e 12-të përmes Lis Demirit, i cili zhbllokoi shifrat e parë. Megjithatë, reagimi i skuadrës vendase nuk vonoi. Malisheva u këndell shpejt dhe arriti jo vetëm të barazojë, por edhe ta përmbysë plotësisht rezultatin brenda 45 minutave të para. Ishte Laurent Xhylani ai i cili vendosi ekuilibrin në fushë duke barazuar shifrat në 1:1 në minutën e 17-të, kurse vetëm nëntë minuta më vonë, saktësisht në minutën e 26-të, Valmir Nafiu shënoi për t'i dhënë epërsinë 2:1 vendasve.