Mbështetje në shesh për studentët: Luiz Ejlli bashkohet me protestuesit krah vajzës së tij

Këngëtari i njohur Luiz Ejlli është bërë pjesë e protestës studentore të zhvilluar së fundmi, duke u shfaqur në rrugën e Durrësit së bashku me vogëlushen e tij, Luna Mari, të cilën e mbante në krahë. Gjatë kësaj dalje publike, Ejlli ka tërhequr vëmendjen te situata e tensionuar dhe personat e lënduar, duke theksuar se fokusi nuk duhet të jetë vetëm te kohëzgjatja e protestës, por te pasojat dhe përgjegjësitë institucionale që vijnë si pasojë e përshkallëzimit të saj. Në mesazhin e tij përmbyllës, artisti ka trajtuar qëndrimin e kreut të Qeverisë për të mos lëshuar detyrën, duke ngritur pyetje të hapura rreth llogaridhënies dhe sigurisë së qytetarëve në situata krizash. “Të thuash ‘nuk jap dorëheqjen’ është e drejtë e një kryeministri, por qytetarët kanë po aq të drejtë të pyesin se kush përgjigjet kur protesta kthehet në tragjedi, kush mbron jetën dhe kush ka guximin të dëgjojë?”, ka shkruar ai.