Sukses historik i Kosovës në Greqi: Xhudistët e rinj rrëmbejnë tri medalje në Ballkanik

Përfaqësuesja e Kosovës ka shkëlqyer në Kampionatin Ballkanik U16 që u zhvillua në qytetin e Artës në Greqi, duke u kthyer në atdhe me tri medalje dhe një renditje pozitive në këtë garë rajonale. Talentet e reja kosovare treguan potencial të lartë në tatami, duke siguruar dy medalje të arta, një të bronztë dhe një vend të pestë falë paraqitjeve të tyre mbresëlënëse. Në listën e fituesve u dalluan Teuta Marku në kategorinë deri në -44 kilogramë dhe Emira Zabelaj në kategorinë deri në -52 kilogramë, të cilat u stolisën me medalje të arta. Ndërkohë, medalja e bronztë i theu Anuar Saharës në kategorinë -46 kg, kurse Norgena Berisha u rendit e pesta në kategorinë -48 kg. Përfaqësuesja e Kosovës demonstroi seriozitet dhe nivel të lartë konkurrues gjatë gjithë aktivitetit, duke dëshmuar punën e palodhur që po bëhet me grupmoshat e reja, ndërsa i gjithë ekipi u drejtua nga trajneri Zymer Zeka.