Vëmendja kalon te e bija: 19-vjeçarja Heidi Katona mahnit me fustanin e kuq në krah të Kerry-t

Heidi Katona ka qenë në qendër të vëmendjes gjatë mbrëmjes bamirëse të organizatës Trauma, e cila u zhvillua të shtunën në qytetin e Mançesterit. E reja u paraqit në këtë ngjarje gala në shoqërinë e nënës së saj të njohur, Kerry Katona. Për këtë mbrëmje, 19-vjeçarja kishte zgjedhur të vishej me një fustan të kuq të ndezur dhe me dekolte të hapur, i cili theksonte linjat e saj trupore. Influencuesja u shfaq e qetë, plot vetëbesim dhe e relaksuar teksa pozonte para lenteve të fotografëve të pranishëm. Nëna e saj, këngëtarja 46-vjeçare Kerry Katona – me të cilën Heidi ka lidhje nga martesa e mëparshme me Mark Croft – u shfaq gjithashtu me një stil mjaft elegant. Ajo kishte veshur një fustan të zi prej kadifeje, me një shpatull të zbuluar. Kjo dalje publike e 19-vjeçares vjen në një periudhë kur flitet se ajo mund të ecë në hapat e mikeshës së saj, Princess Andre, vajzës së madhe të Katie Price, e cila ka raporte të afërta me Kerry Katonën. Nga ana tjetër, thuhet se Kerry po synon të krijojë një profil të ngjashëm menaxhimi me atë të Kris Jenner, matriarkës së famshme të familjes Kardashian-Jenner. Kureshtja rreth së ardhmes së Heidi-t në botën e spektaklit është shtuar ndjeshëm, veçanërisht pas paraqitjes së saj në një skenë të emisionit Celebs Go Dating vitin e kaluar, gjatë sekuencave të dedikuara për nënën e saj. Kjo paraqitje e fundit në Mançester ka rikthyer sërish syzet e publikut te 19-vjeçarja, e cila po ndërton ngadalë rrugën e saj drejt famës, duke u shkëputur gradualisht nga hija e njohur e nënës.