Sulmi me molotov në Gjykatën e Lartë, socialistët: Berisha nxiti flakët përmes sulmeve ndaj drejtësisë

Partia Socialiste ka lëshuar një reagim të ashpër pas incidentit të rëndë me lëndë plasëse molotov në ambientet e Gjykatës së Lartë, ngjarje e cila shkaktoi dëme materiale dhe djegien e disa zyrave brenda godinës. Përmes një deklarate zyrtare, selia rozë ka drejtuar akuza të drejtpërdrejta ndaj kryetarit të Partisë Demokratike, Sali Berisha, duke theksuar se gjuha dhe retorika e tij e mëparshme kundër trupës gjyqësore kanë shërbyer si nxitje e drejtpërdrejtë për këtë akt dhune ndaj një institucioni kyç të drejtësisë. “Flakët mbi Gjykatën e Lartë i parapriu Sali Berisha, i cili sulmoi gjyqtarët që dhanë masa mbi dhunuesit e ligjit. Nuk ka kthim mbrapa për Shqipërinë”, thuhet shprehimisht në reagimin e forcës politike në pushtet. Ky reagim vjen në vijim të zhvillimeve pas sulmit mbi institucionin e Gjykatës së Lartë, ndërsa qëndrimi i socialistëve e lidh ngjarjen e dhunshme ngushtësisht me tensionet e krijuara në skenën politike vendase.