Krizë e rëndë te Shkupi, Ohri mbron kreun e tabelës në Ligën e Dytë

Formacioni i Ohrit ka konsoliduar pozitat e para në renditjen e Ligës së Dytë të Maqedonisë së Veriut, pasi ka arkëtuar tri pikë të arta në transfertë kundër Makedonija Gj.P., duke e mposhtur me shifrat e pastra 2:0 në takimin e vlefshëm për javën e tetë. Në krahun tjetër, Rabotniçki ka regjistruar një paraqitje fantastike para tifozëve të vet në stadiumin “Boris Trajkovski”, ku ka triumfuar bindshëm me rezultatin 4:0 ndaj skuadrës shqiptare të Shkupit. Skuadra e Shkupit po përballet me një periudhë tejet të errët dhe një krizë të thellë rezultatesh, pasi ka regjistruar shtatë humbje në po aq ndeshje të zhvilluara, shoqëruar me një bilanc tejet negativ të golave prej 1:23. Rezultatet e tjera të kësaj jave përfshijnë barazimin pa gola mes Euromilk G.L. dhe Novacit (0:0), si dhe suksesin e Teteksit ndaj Detonitit me rezultatin 2:0, ndërkohë që sfida ndërmjet Pelisterit dhe Osogovës ishte caktuar të luhej në orën 18:00.