Formë e jashtëzakonshme, Rey Manaj sërish protagonist me gol në Turqi

Pjesa e parë e sfidës mes Sivassporit dhe Sarıyerit, e cila i takon javës së 11-të në Ligën e Parë turke, është mbyllur me barazimin 1:1, ku sulmuesi i kombëtares shqiptare, Rey Manaj, ka qenë sërish vendimtar duke shënuar. Kur po lëshonte minuta e 30-të e takimit, skuadra e Sivassporit u kundërsulmua shpejt, ndërsa nga një pasiguri e mbrojtjes kundërshtare në largimin e topit, u krijua një situatë kaotike brenda zonës. Në këtë rrëmujë, lojtari nga Lushnja reagoi në mënyrë perfekte, duke e dërguar saktë topin në rrjetë dhe duke rikthyer ekuilibrin në rezultat për skuadrën e tij. Ky realizim e konfirmon edhe një herë formën e lartë të sulmuesit kuqezi, i cili tashmë ka regjistruar golin e tij të 9-të në 10 paraqitje këtë edicion në kampionat, duke kontribuar gjithashtu edhe me 2 asiste.