Goditje në merkato, KV Universiteti prezanton volejbollistin e ri nga Gjeorgjia

Klubi i volejbollit Universiteti i Tetovës ka zyrtarizuar përforcimin e radhës për edicionin aktual, duke siguruar shërbimet e lojtarit nga Gjeorgjia, Giorgi Burduli. Ky afrim vjen në kuadër të përgatitjeve intensive të klubit tetovar për të regjistruar rezultate sa më të larta në Kampionatin e Maqedonisë së Veriut, teksa drejtuesit synojnë një paraqitje sa më dinjitoze këtë sezon. Sipas njoftimit zyrtar nga klubi, Giorgi Burduli ka lindur më 18 nëntor 2001, luan në pozicionin e bllokuesit të mesit dhe gëzon një gjatësi mbresëlënëse prej 200 centimetrash. Klubi vlerëson se prania e tij do të jetë vendimtare për të kompletuar repartin e sulmit, duke i dhënë një shtysë të rëndësishme arritjes së objektivave madhore të skuadrës përgjatë këtij kampionati.