KEDS njofton ndërprerje të energjisë elektrike sot: Këto janë zonat që do preken nga punimet

Për shkak të ndërhyrjeve të planifikuara në rrjetin shpërndarës, disa lagje në kryeqytet dhe zonat përreth do të ballafaqohen sot me mungesë të rrymës. Këto ndërprerje janë të domosdoshme për të garantuar sigurinë e sistemit elektroenergetik dhe për të çuar përpara projektet e reja investive. Sipas njoftimit zyrtar, nga Nënstacioni 110/35/10[kV] i Fushë Kosovës do të shkyçet Dalja 10[kV] Albana (kodi: 15100008), në intervalin kohor prej orës 09:30 deri në orën 14:00. Zonat që do të mbesin pa energji gjatë kësaj kohe janë: Mesbardhi i Madh, Mesbardhi, Bardhi i Vogël, Albana e Vogël, Sllatina e Vogël II, Albana e Madhe te Shaljanët dhe FSK. Këto punë ndërmerren në kuadër të projektit për vendosjen e kabllos për energjizimin e objektit, si dhe për vendosjen e tokëzimeve mbrojtëse. Ndërkohë, punime intensive do të ketë edhe në kuadër të projekteve investive nga Nënstacioni 110/10 [kV] Prishtina 3, ku do të ndërpritet Dalja 10kV J06 Arbëria 2/1 (kodi: 12000037), duke filluar nga ora 08:30 deri në orën 18:00. Zonat e prekur përfshijnë konsumatorët përgjatë rrugës Ahmet Krasniqi, si dhe bizneset AKEA, AS-PROJECT, Mini Max-Arben Krasniqi, Mentor Beqiri “MAB” SH.P.K., Feim Reka “REKA COMMERCE” SH.P.K., Bujar Berisha NSH “Vëllezërit Berisha”, Ridvan Pushkolli “Pushkolli SH.P.K.” dhe A & F CONSTRUCTION. Arsyeja e kësaj ndërprerjeje është kalimi nga tensioni 10kV në 20kV në kuadër të projektit P3-ARBËRIA-FEEDER 2.