Kinematografia si armë e re propagandistike: Serbia riaktualizon “Korpusin e Prishtinës” kundër Kosovës dhe UÇK-së

Në kuadër të fushatës së vazhdueshme propagandistike kundër shtetit të Kosovës dhe Ushtrisë Çlirimtare të Kosovës, autoritetet në Beograd kanë vënë në lëvizje Ministrinë e Mbrojtjes, duke e shfrytëzuar kinematografinë si mjet politik. Në qytetin e Nishit është mbajtur një ceremoni madhështore, e shoqëruar me retorikë të ashpër nga zyrtarë të lartë shtetërorë, ku është shfaqur premiera e një dokumentari kushtuar të ashtuquajturit “Korpusi i Prishtinës”.