Aventura angleze në rrezik: Ish-ylli i Juventusit kërkon rikthimin në Serie A në muajin janar

Federico Chiesa nuk po arrin të sigurojë hapësirat e dëshiruara te Liverpooli, duke rritur ndjeshëm gjasat për një largim të mundshëm që gjatë merkatos së dimrit. Sipas raportimeve të deritanishme, sulmuesi italian kishte shprehur dëshirën për të ndërruar ambient që në sesionin e verës, ndërsa tani po ushtron presion për të gjetur një skuadër të ja ku të aktivizohet rregullisht, pasi pritshmëritë e tij nën drejtimin e Arne Slot nuk janë përmbushur. Nga ana tjetër, situata e tensionuar e anësorit ka tërhequr vëmendjen e disa klubeve të njohura italiane si Interi, Lazio dhe Atalanta, të cilat po monitorojnë zhvillimet me kujdes dhe janë në gatishmëri për të nisur tratativat. Ndërkohë, sa i përket mundësive reale të transferimit, Lazio thuhet se është në pozita më pak të favorshme për shkak të ngarkesës financiare, pasi buxheti i klubit kryeqytetas e ka të vështirë të përballojë pagën e lartë të futbollistit italian.