Trazirat në kryeqytet: Protestuesit zhvendosen në rrugë dhe u vënë flakën koshave e një kioske

Pasi efektivët e policisë ndërhynë për të shpërndarë turmën në bulevardin kryesor, protestuesit kanë vijuar lëvizjen e tyre nëpër rrugë të ndryshme të Tiranës. Gjatë këtij marshimi, protestuesit kanë ndërmarrë veprime të dhunshme duke iu vënë flakën kontejnerëve të mbeturinave përgjatë rrugës. Situata ka eskaluar rreth orës 20:00, kur flakët kanë përfshirë edhe një kioskë të vendosur në zonën e njohur si te 9-katëshet në kryeqytet. Njëkohësisht, tensionet janë zhvendosur edhe në zonën pas pallatit 15-katësh, ku është ndezur një vatër e madhe zjarri në mes të rrugës pasi protestuesit i kanë vënë flakën disa materialeve të ndryshme.