Agjenda e ditës: Çfarë do të ngjajë nesër më 17 Tetor në Kosovë

Portali informativ 'Lajmet e Reja' ju sjell përmbledhjen e ngjarjeve kryesore që do të shënohen nesër, më 17 tetor, duke përfshirë aktivitete kulturore, organizime humanitare dhe zhvillime politike. Në orën 10:00, në sheshin “Zahir Pajaziti” në Prishtinë, Organizata Joqeveritare YouCanDo do të organizojë një sërë aktivitetesh me rastin e Shënimit të Javës Ndërkombëtare të Njerëzve me Shkop të Bardhë, për të përcjellë mesazhe sensibilizuese për komunitetin e personave të verbër dhe me dëmtime të shikimit. Më vonë, në orën 11:00, në ambientet e Lidhjes së Shkrimtarëve të Kosovës në Prishtinë, do të zyrtarizohet një hap i rëndësishëm kulturor. Lidhja e Shkrimtarëve dhe e Artistëve të Shqipërisë së bashku me atë të Kosovës do të nënshkruajnë marrëveshjen për themelimin e Lidhjes së Bashkuar të Shkrimtarëve dhe Artistëve Shqiptarë. Po ashtu, në orën 11:00, Qendra Padel Arena do të jetë nikoqire e ngjarjes “Play Pink - Padel & Pilates”, një aktivitet sportiv e ndërgjegjësimi që organizohet në kuadër të Muajit Rozë, e cila do të mbahet në rrugën “Afrim Kiçina” në lagjen Mati 2. Në orën 16:00, Salla e Kuqe e Pallatit të Rinisë në Prishtinë do të presë tubimin e strukturave të Aleancës. Gjatë këtij takimi, kryetari i saj, Ardian Gjini, do të prezantojë platformën politike dhe strategjinë e partisë për zhvillimin e vendit.