Sukses historik në pingpong: Zana Bllaca shkëlqen në top-listën evropiane

Sporti kosovar ka shënuar një tjetër arritje të rëndësishme në skenën Ndërkombëtare, duke dëmuar edhe një herë rritjen e cilësisë dhe talentit të gjeneratave të reja. Talentja e re e pingpongut, Zana Bllaca, ka arritur një pozicionim fantastik duke u renditur e 11-ta në Evropë për grupmoshën U11 në konkurrencën e vajzave. Ky klasifikim zyrtar është bërë i ditur nga Unioni Evropian i Pingpongut (ETTU) për muajin tetor 2026. Me gjithsej 1725 pikë të grumbulluara, Bllaca është pozicionuar me meritë mes 11 lojtareve më të mirë të kontinentit të vjetër, duke u shndërruar në një ambasadore të shkëlqyer të sportit kosovar në arenën ndërkombëtare. Ky rezultat mbresëlënës përfaqëson frytin e punës së palodhur, përkushtimit maksimal dhe talentit të jashtëzakonshëm të sportistes, ndërkohë që shërben si një nxitje e fuqishme për të ardhmen e pingpongut në vend. Nga Kosova, tashmë mes elitës evropiane – kështu është vlerësuar ky sukses nga Federata e Pingpongut e Kosovës.