Goditje e rëndë për Real Madridin: Konfirmohet dëmtimi i Kylian Mbappe

Klubi i njohur spanjoll, Real Madrid, ka lëshuar një komunikatë zyrtare ku ka konfirmuar se sulmuesi i tyre kryesor, Kylian Mbappé, ka pësuar një dëmtim në gjurin e majtë. Pas kontrolleve të detajuara mjekësore të zhvilluara këtë mëngjes nga stafi i klubit, ylli francez është diagnostikuar me një hiperekstension të kapsulës së pasme të gjurit të majtë. Drejtuesit e gjigantit madrilen kanë bërë të ditur se e gjithë situata rreth gjendjes së lojtarit do të ndiqet hap pas hapi, ndërkohë që ende mbetet e paqartë periudha e saktë se kur ai do të mund të rikthehet në fushën e blertë. Kujtojmë se sulmuesi anësor u dëmtua në momentin kur realizoi golin e triumfit për Përfaqësuesen e Francës në sfidën kundër Turqisë, e vlefshme për Ligën e Kombeve.