Sami Lushtaku lëshon mesazh të fortë: As Serbia nuk më gjunjëzoi, kush mendon se mundet le ta provojë

Kryetari i Komunës së Skenderajt, Sami Lushtaku, ka dhënë një deklaratë të ashpër ndaj kritikëve të tij, duke theksuar se nuk ka për t'u përkulur kurrë përballë askujt, pasi nuk ia ka dalë mbanë ta bëjë një gjë të tillë as shteti serb në të kaluarën. Në një reagim publik, ai ka evokuar të kaluarën e tij gjatë periudhës së okupimit, duke kujtuar se më 11 korrik 1997 ishte dënuar me 20 vjet burgim në mungesë nga Serbia me akuza për terrorizëm. Sipas tij, regjimi i atëhershëm serb dështoi plotësisht në përpjekjet e tij për ta thyer, ndërsa shprehu keqardhje që sot e njëjta gjuhë po përdoret edhe nga disa bashkëkombës. Duke mbyllur reagimin e tij me një sfidë të hapur ndaj kundërshtarëve politikë apo kritikëve, Lushtaku ka shtuar prerë: “Kush mendon se mundet të më gjunjëzojë, le ta provojë!”