Kampionati Europian U-21: FSHF ngre dilema rreth stadiumit të Partizanit

“Arena e Demave” është përzgjedhur si një ndër katër impiantet sportive në territorin shqiptar që do të mirëpresë sfidat e Kampionatit Europian për grupmoshën U-21. Së fundmi, Federata Shqiptare e Futbollit ka publikuar një imazh zyrtar, ku ajo që bie në sy menjëherë është një detaj arkitekturor mjaft specifik. Në foton e shpërndarë, impianti i klubit të Partizanit näqet i pajisur me një tribunë të vendosur pas porte. Megjithatë, burime pranë gazetarisë sportive konfirmojnë se një investim i tillë nuk është aktualisht pjesë e ndonjë plani konkret, pavarësisht se në të kaluarën kjo alternativë është shqyrtuar si mundësi zhvillimi. Kujtojmë se skuadra e njohur kryeqytetase nuk ka mundur t'i zhvillojë ndeshjet e saj në këtë stadium për më shumë se katër muaj. Arsyeja e kësaj mungese afatgjatë lidhet ngushtësisht me punimet rikonstruktuese që po zhvillohen brenda kompleksit sportiv.