“Le ta provojë kush mendon se më gjunjëzon”: Përgjigja e ashpër e Sami Lushtakut

Kryetari i Skenderajt, Sami Lushtaku, i ka dhënë një përgjigje të prerë Alban Krasniqit, i cili është bashkëshorti i ministres në detyrë Albulena Haxhiu, përmes një deklarate të bërë publike në rrjetet sociale. Reagimi i tij vjen pas zhvillimeve të fundit, ndërsa Lushtaku ka kujtuar periudhën e kaluar dhe sfidat e përballura me regjimin e atëhershëm, duke e krahasuar retorikën aktuale me atë të periudhës së okupimit. “Më 11 korrik 1997, Serbia më dënoi me 20 vjet burg në mungesë, me akuza për terrorizëm. Serbia nuk arriti të më gjunjëzojë asnjëherë. Sot, fatkeqësisht, disa shqiptarë po flasin me të njëjtën gjuhë që dikur fliste Serbia. Kush mendon se mundet të më gjunjëzojë, le ta provojë!”, ka shkruar ndër të tjera kreu i Skenderajt në profilin e tij.