Krizë dëmtimesh te danezët para udhëtimit në Shqipëri, vihet në dyshim fati i pesë titullarëve

Përfaqësuesja daneze e futbollit po kalon një fazë tejet delikate para transfertës në tokën shqiptare, pasi trajneri Mike Tulberg ndodhet përballë një situate emergjente për shkak të mungesave të shumta në prag të duelit që do të zhvillhet në stadiumin “Elbasan Arena”. Tekniku 40-vjeçar ka bërë publike listën me 21 futbollistët e grumbulluar për sfidën ndaj Egnatias, ku megjithatë spikasin mungesat e rëndësishme që mund të kushtojnë shtrenjtë për skemat e skuadrës. Klubi i Midtjylland nuk do të mund të llogarisë shërbimet e disa prej lojtarëve kyçë si Elias Olafsson, Martin Erlic, Mikel Gorgoza, Victor Bak dhe Magnus Jensen, të cilët janë lënë jashtë fushës prej dëmtimeve të ndryshme. Kësaj faturë të rëndë mungesash i është bashkuar edhe emri i Andreas Maxsø, pasi mbrojtësi nuk është përfshirë fare në listën që klubi ka dorëzuar në UEFA për ndeshjet e fazës së Conference League deri në muajin dhjetor. Megjithatë, kjo mbrëmje mund të rezultojë historike për talentin David Martinez, ku 20-vjeçari, nëse merr minuta nga stoli, do të regjistrojë debutimin e tij zyrtar në skenën e madhe europiane.