Trajneri i Midtjylland para sfidës: E respektojmë Egnatian, por ambiciet tona janë në një tjetër standard

Gjatë konferencës për shtyp të zhvilluar ditën e djeshme, trajneri i Midtjylland ka theksuar se e vlerëson maksimalisht skuadrën e Egnatias, e cila ka dominuar futbollin shqiptar duke u shpallur kampione për tri edicione rresht. Megjithatë, ai nuk ka lënë pa përmendur edhe peshën e skuadrës së tij në arenën ndërkombëtare, duke kujtuar pozicionimin e lartë në fazën e ligës sezonin e kaluar. “Së pari dua t’i bëj komplimentet e mia ekipit të Egnatias, e cila debuton në fazën e ligës për herë të parë në historinë e saj. Ata kanë respektin tonë se ka arritur deri këtu me meritë, por njëkohësisht jam këtu për të thënë se Midtjylland është një ekip ambicioz”, u shpreh Mike Tullberg. Klubi danez i FC Midtjylland prej vitesh është shndërruar në një pjesëmarrës të rregullt të niveleve më të larta europiane, ndërsa edicioni i shkuar shënoi një tjetër arritje të rëndësishme në rrugëtimin e tyre kontinental. “Vitin e kaluar u treguam të gjithëve se çfarë jemi të aftë që të bëjmë. Kemi mbyllur fazën e ligës në vendin e tretë dhe kemi mposhtur disa emra të mëdhenj të futbollit europian”, përfundoi deklaratën e tij tekniku 40-vjeçar.