Mbështetje për protestën, Sindikata e Universiteteve thërret tubim urgjent: Koha për t'u bashkuar

Sindikata e Pavarur e Universiteteve të Shqipërisë ka shprehur hapur mbështetjen e saj për protestuesit, duke bërë thirrje për një organizim të gjerë në orët e ardhshme. Nëpërmjet një njoftimi zyrtar, kjo sindikatë ka ftuar trupën akademike në një tubim kombëtar për të mbrojtur interesat e studentëve. "Takim kombëtar i profesoratit në përkrahje të studentëve. E enjte, 15 tetor ora 10:00 para korpusit të UPT. Bashku! Mos qëndro indiferent", thuhet në thirrjen e shpërndarë për publikun. Ky zhvillim vjen menjëherë pas tensionimit të situatës një ditë më parë, ku tubimi mori një kthesë të dhunshme. Gjatë përleshjeve dhe tensioneve të regjistruara, protestuesit ndërmorën veprime ekstreme duke u vënë zjarrin disa bizneseve private dhe objekteve të institucioneve shtetërore.