Nis festa në “Air Albania”, rikthehet fuqishëm grupi i zjarrtë “Tifozat Kuq e Zi”

Përfaqësuesja e Shqipërisë është gati për sfidën e radhës në Ligën e Kombeve kundër Bjellorusisë, ndërsa stadiumi “Air Albania” premton një atmosferë elektrizuese për këtë përballje. Në tribunën e dedikuar pas porte janë shfaqur sërish “Tifozat Kuq e Zi”, të cilët pas një periudhe mungese kanë vendosur edhe pankartën e tyre zyrtare në sektorin e tyre të zakonshëm për të mbështetur kombëtaren. Pavarësisht profilit të kundërshtarit, numri i tifozëve të pranishëm në shkallët e impiantit sportiv 30 minuta para fërshëllimit të parë të gjyqtarit paraqitet mjaft premtues dhe mbështetës për kuqezinjtë.