Tensionet në Tiranë: Reperi i njohur publikon pamje provokuese dhe udhëzon protestuesit përballë policisë

Kryeqyteti shqiptar është përfshirë nga zhvillime të tensionuara, ndërkohë që në rrjetet sociale nuk kanë munguar reagimet nxitëse nga figura publike. Reperi i njohur Arkimed Lushaj, i njohur me artnimin Stresi dhe si mbështetës i hapur i Partisë Demokratike të drejtuar nga Sali Berisha, ka ndarë me ndjekësit e tij një imazh shqetësues. Në fotografinë e publikuar në profilin e tij, shfaqen disa shishe të mbushura me lëndë djegëse benzinë, të cilat ishin lidhur me mjete piroteknike. Sipas artistit, ky është mjeti i vetëm i efektshëm për të detyruar forcat e rendit të tërhiqen. Sipas mesazhit të shoqëruar me foton, ai u drejtohet ndjekësve se kjo është mënyra e vetme për të zmbrapsur policinë dhe automjetet e tyre, duke shtuar se e garanton këtë metodë. Kujtojmë se prej ditës së djeshme, situata në Tiranë ka dalë jashtë kontrollit, ku grupe protestuesish kanë hedhur mjete shpërthyese dhe koktejë molotovi drejt godinës së Bashkisë së Tiranës dhe zonës së Pazarit të Ri. Si pasojë e përleshjeve dhe dhunës së ushtruar gjatë tubimit, autoritetet policore kanë shoqëruar dhjetëra persona në komisariate, ndërsa një numër i lartë qytetarësh kanë kërkuar ndihmë mjekësore në spitalet e emergjencës.