Ylli i Vikingut zbulon sekretin e ndalimit të Harry Kane: Pse e preferoj atë para Haalandit

Henrik Falchener, qendërmbrojtësi i skuadrës së Vikingut, ka ndarë qasjen e tij se si është përgatitur taktikisht për t'uballafaquar me sulmuesin e njohur anglez, Harry Kane. “Harry Kane padyshim që është një futbollist i jashtëzakonshëm, por në fund të ditës jemi të gjithë njerëz. Është e rëndësishme t'i mbushësh mendjen vetes se ke përballë një sulmues normal, pavarësisht faktit se ai renditet ndër më të mirët në botë në këtë repart,” u shpreh Falchener. Mbrojtësi shtoi se analiza e detajuar e kundërshtarit ka qenë çelësi i përgatitjes: “Kemi studiuar me kujdes pamjet filmike dhe jemi plotësisht të vetëdijshëm se çfarë na pret në fushë, cilat janë pikat e tij më të forta dhe cilat situata duhet t'i shmangim me çdo kusht gjatë dyluftimeve me të”. I pyetur për një krahasim të drejtpërdrejtë se kë do të preferonte të kishte përballë, mes yllit anglez dhe bashkëkombësit të tij norvegjez, Erling Haaland, mbrojtësi ofroi një analizë krahasuese. “Bëhet fjalë për dy profilë futbollistësh krejtësisht të ndryshëm. Haaland shquhet për fuqinë e jashtëzakonshme fizike, shpejtësinë dhe forcën e tij shkatërruese, ndërsa Kane dallohet për një qasje më teknike në lojë. Duke parë tiparet e mia, sinqerisht besoj se më shkon për shtat më shumë një përballje me Kane sesa me Haalandin,” përfundoi ai.