Besim i plotë në Rusi: Drejtori del në mbrojtje të Mirlind Dakut

Mirlind Daku po kalon fazën e parë të aventurës së tij te Spartaku i Moskës, ndërsa ish-drejtori i përgjithshëm i këtij klubi, Yuri Zavarzin, është i bindur se sulmuesi shqiptar ka vetëm nevojë për periudhën e duhur të akomodimit në mjedisin e ri. Gjatë një interviste për "Metaratings.ru", Zavarzin u shpreh i sigurt se drejtuesit e Spartakut nuk kanë bërë ndonjë llogari të gabuar me afrimin e lojtarit kuqezi, duke sjellë në vëmendje paraqitjet e tij mjaft pozitive gjatë periudhës kur mbrojtur ngjyrat e Rubinit të Kazanit. “Nuk mendoj se Spartaku ka gabuar. Daku i ka dëshmuar aftësitë dhe cilësitë e tij futbollistike te Rubini. Një lojtari që vjen në një skuadër të re i duhet kohë për t’u përshtatur me grupin. Mendoj se i duhen rreth gjashtë muaj dhe jam i bindur se Daku do ta tregojë ende veten”, u shpreh Zavarzin. Kujtojmë se sulmuesi shqiptar iu bashkua Spartakut gjatë muajit gusht të vitit 2026, duke zyrtarizuar një marrëveshje bashkëpunimi me kohëzgjatje prej tre vitesh. Për sa i përket statistikave deri në këtë fazë, ai ka regjistruar nëntë paraqitje zyrtare, duke kontribuar me një gol dhe dy asistime, teksa vazhdon të punojë fort për të siguruar më shumë minuta dhe për të lënë gjurmë të pashlyeshme në këtë kapitull të ri të karrierës së tij.