Foda shpall synimin afatgjatë: Kualifikimi në ‘Euro 2028’ është misioni ynë kryesor

Përzgjedhësi i Përfaqësueses së Kosovës, Franco Foda, ka përsëritur se aspirata kryesore e “Dardanëve” mbetet sigurimi i biletës për në Kampionatin Evropian të vitit 2028. Të dielën, “Dardanët” do të matin forcat me Austrinë në një takim vendimtar për ngjitjen në Ligën A të Ligës së Kombeve, sfidë në të cilën kundërshtari luan me petkun e favoritit. Gjatë paraqitjes para mediave, tekniku gjerman u ka kërkuar lojtarëve të tij që të zbresin në fushë me bindje të plotë në aftësitë e tyre, duke vënë në pah se vëmendja e plotë duhet të mbetet te synimi madhor. “Jam i kënaqur nëse loja shkon mirë. Në fund të ditës, do të shohim se çfarë po ndodh. Me rëndësi është të luajmë me vetëbesim, e njohim Austrinë. Janë favoritë, por kjo nuk do të thotë ta ulim vetëbesimin. Qëllimi im është Kampionati Evropian 2028, kjo ka qenë objektivi nga dita ime e parë”, u afrimua Foda. Ndeshja ndërmjet Austrisë dhe Kosovës është planifikuar të luhet të dielën, me fillim nga ora 18:00.