Incident i rëndë në Tiranë: Studentit i thyhet këmba gjatë protestës, policia e tërheq zvarrë

Pamje shqetësuese kanë qarkulluar së fundmi nga protesta e zhvilluar nga studentët në kryeqytet, ku një incident i dhunshëm ka shkaktuar reagime të shumta. Gjatë ndërhyrjes së forcave të rendit, një protestues i ri ka pësuar lëndime të rënda, ku si pasojë e përplasjes i është thyer këmba. Në videon e publikuar, shihet qartë gjendja e rëndë e të riut, i cili për shkak të dhimbjeve të forta dhe traumës fizike, ka humbur ndjenjat. Përkundër gjendjes së tij kritike shëndetësore, efektivët e policisë nuk kanë ofruar ndihmën e parë të nevojshme. Në vend që t'i sigurohej një asistencë mjekësore e specializuar, studenti është transportuar në mënyrë të dhunshme, duke u mbajtur në ajër nga efektivët, ndërsa në vendngjarje nuk është vërejtur asnjë autoambulancë për t'i ardhur në ndihmë. Këto pamje të rënda janë shpërndarë gjerësisht në rrjetet sociale, duke u bërë pjesë e denoncimit edhe nga kreu i Partisë Demokratike, Sali Berisha, i cili ka publikuar videon e incidentit si dëshmi të dhunës së ushtruar ndaj protestuesit.