Përplasje mes dy veturave në magjistralen Ferizaj-Shtërpcë, lëndohen pesë persona

Një aksident rrugor është regjistruar gjatë ditës së sotme në aksin magjistral Ferizaj–Shtërpcë, saktësisht në territorin e fshatit Biti e Poshtme, ku dy automjete janë përfshirë në një përplasje. Sipas informacioneve zyrtare, ngjarja ka ndodhur rreth orës 10:37. Zëdhënësi i Policisë Rajonale të Ferizajt, Kanun Veseli, ka bërë të ditur se në këtë aksident janë përfshirë dy makina, ku njëra prej tyre mban tabela të Maqedonisë së Veriut, ndërsa tjetra është me targa vendore. Si pasojë e këtij incidenti trafiku, pesë persona kanë marrë lëndime trupore dhe kanë kërkuar ndihmë mjekësore.