August 14, 2022

Arjan dhe Vilma Konomi janë çifti, të cilët u përplasën nga një automjet në Rrugën e Kavajës, bashkë me foshnjën e tyre tre muajshe.

Gazetarja e Panorama, Nikoleta Kovaçi raporton se të plagosurit janë transportuar në spital dhe ndodhen nën kujdesin e mjekëve.

Aksidenti i rëndë ndodhi mesditën e sotme në Tiranë, ku Ajas Sulejmani teksa drejtonte makinën e tij me shpejtësi tej normave të lejuara ka përplasur burrë e grua dhe fëmijën e tyre që e kishin në karrocë.

Mësohet se 39-vjeçari ishte pa patentë dhe u fut me semafor të kuq duke shkaktuar aksident te vijat e bardha.

Ai vazhdon të jetë në kërkim nga policia, ndërsa në pranga u vu kushëriri i tij, i cili po udhëtonte në makinë me 39 vjecarin.

Leave a Reply

Your email address will not be published.