Regjisori i njohur Altin Basha pasi u largua nga “Portokalli” pas 17 vitesh, ka krijuar nje projekt te ri humoristik me emrin “Kosherja Show” ne televizionin ABC news.
Mesa duket, “Kosherja”, do te kete te njejtin format dhe stil si Portokalli por me protagoniste te rinj, te cilet jane duke u perzgjedhur nga audicionet qe po kryhen nga regjisori Altin Basha dhe stafi i tij. Pervec artisteve te rinj, do te jene dhe disa aktore nga Teatri Kombetar si dhe aktori i njohur Besart Kallaku i cili pervec roleve humoristike, do te drejtoje spektaklin bashke me moderatoren e njohur Jona Spahiu. Audicionet per artistet e rinj kane filluar dhe jane te hapura cdo te Merkure dhe te Enjte ora 12:00 – 15:00 ne ambientet e kompanise filmike AA prane “Ish Kinostudios”. Cdo person qe mendon se ka talent ne fushen e humorit mund te paraqitet prane audicioneve me nje material humoristik ne forme monologu, dialogu apo me imitime te personazheve te njohur.
Avokati shpirtëror dhe i halleve të 200 mijë banorëve. Si një nga juristët më të mirë shqiptarë me një karrierë të gjatë në gjyqësorin shqiptar ai shpalosi një anë tjetër të aftësive të tij inteletuale, aftësive të tij organizative dhe aftësitë si një autoritet serioz shteti. Ai solli stilin e tij të veçantë të drejtimit dhe të menaxhimit të një qyteti të cilin e gjeti në gjendje të vështirë. Ai e ka bërë Fierin të banueshëm, ka kthyer shpresën, ka hapur një faqe të re në tërë fshatrat që e rrethojnë. E kam fjalën për Armando Subashin, këtë jurist që humbi sistemi i hierarkisë së gjyqësorit, por duke fituar një politikan, deputet dhe prej vitit 2015 si administrator i qytetit të Fierit. Armando Subashi, i lindur në Fier më 26 maj 1971, u zgjodh deputet për Qarkun e Fierit në zgjedhjet e përgjithshme të vitit 2009. Përfundoi studimet e larta për drejtësi në Fakultetin e Drejtësisë të Universitetit të Tiranës dhe punoi si gjyqtar në rrethet gjyqësore Mallakastër dhe Fier, ku mbajti njëkohësisht edhe postin e Kryetarit të Gjykatës. Armando Subashi ka mbajtur po ashtu postin e Anëtarit të Këshillit të Lartë të Drejtësisë, i zgjedhur nga Konferenca Kombëtare Gjyqësore. Ka qënë anëtar i Komisionit për Çështjet Ligjore, Administratën Publike dhe të Drejtat e Njeriut në Kuvendin e Shqipërisë.
Armando është edukuar e shkolluar deri në majat më të larta të drejtësisë shqiptare, por, mbi të gjitha, është një kryefamiljar i mrekullueshëm e serioz ashtu siç është një kryetar bashkie ekzigjent. Armando është një nga juristët më të mirë në shërbim të gjithë shqiptarëve dhe në veçanti të qytetarëve të Fierit. Bashkia Fier është një nga zonat më të mëdha teritoriale dhe me një popullsi të madhe dhe me Armando Subashin u konfirmua se punëve dhe halleve të mëdha të këtij qyteti ju gjet ilaçi dhe mjeku që e shëroi nga plagët e mëdha sociale të mbivendosura në vite nga mosvëmendja e pushtetarëve. Ky qytet me potencial të madh ekonomiko-financiar dhe mbi 200 mijë banorë lëngonte nga mungesa e investimeve, nga infrastruktura e rrënuar që çdo dimër bëhej pre e lumit me ngjyrë të zezë Gjanica. Ky jurist ky deputet, konfirmoi se është një nga astet me vlerë të PS, edhe si kryebashkiak në një prej qëndrave më të mëdha ekonomike të Shqipëtisë. Fierak 24 karat me mënyrën e thjeshtë dhe shumë njerëzore e të drejpërdrejtë të komunikimit me të gjitha moshat, krijoi besim dhe ndryshoi opinionin në këtë qytet me njerëz punëtorë. Armando është rritur bashkë me hallet e këtij qyteti dhe i pëlqen më shumë ti prekë gjërat, të dalë vetë në çdo cep të bashkisë pastaj të ndërtojë një ditar punësh dhe t’i ndjekë ato me një staf financierësh, juristësh, inxhinierësh. Duke patur avantazhin si kryetar gjykate në këtë qytet ai njohu plagët e vërteta të këtyre myzeqarëve fisnikë dhe i shërbeu si një arkivë shumë efektive në detyrën e vështirë të kryetarit të Bashkisë. Transparenca e ndërtuar nga ai në tërë hallkat e Bashkisë ka prodhuar rezultate. Objektivi themelor i këtij kryetari fjalëpakë, por shumë konkret në punë ishte ndryshimi i gjendjes social-ekonomike, vetëpunësimi dhe vënia në eficencë e bizneseve private. Ai kuptoi filozofinë se ndryshimet në Bashkinë e Fierit vijnë duke punuar çdo ditë, duke vënë çdo ditë nga një tullë të re në infrastrukturë, duke bërë projekte të reja ambicioze për disiplinimin e Gjanicës, duke bërë projekte për ta kthyer qendrën e qytetit nga një oaz pellgjesh uji në një qendër më shumë pedonale, me gjelbërim gjithëvjetor, me sense qarkullimi rrugor që ndihmonin qytearët të hyjnë e dalin nga qyteti pa ngarkesa trafiku.
Ashtu siç ndryshoi rrënjësisht gjykatën e Fierit ashtu ndryshoi edhe Fierin dhe qendrat administrative në varësi të tij. Ai vuri pikat mbi i në shumë praktika dhe projekte që në këtë qytet kishin dekada të tëra që ishin bërë gangrenë për jetën e qytetarëve.
Pastrimi i sistemit kullues dhe vaditës ishte një nga sfidat e Armando Subashit pasi kërkonte resurse njerëzore, makineri dhe fonde. Të treja i gjeti ky jurist i halleve të qytetit. Ai ua bëri të qartë të gjithëve se kjo sfidë ndikon drejpërdrejt në ripërtëritjen e bujqësisë, që përkthehet në më shumë taksa për investime. Ai sfidën e tij e filloi nga Hoxhara.
Në lagjen “Kryengritja e Fierit”, ku ndërhyrja ishte e domosdoshme, në infrastrukturë në disiplinimin e ujërave të bardha dhe të zeza.
Fillimisht u punua për linjën e ujësjellësit, pastaj punimet e riparimit të rrugëve.
Veshja me ndriçim dhe të gjithë elementët e tjerë urbanë do t’i japin kësaj zone gjithçka të munguar ishte sfida e dyrë e Armando Subashit dhe arriti që t’ia dalë mbanë. Fieri tani është një qytet i dritave. Arteria e Gjanicës në zemrën e Fierit nën të njëjtën sasi rreshjesh, në të djeshmen e para ca vitesh dhe në këto ditë që shiu s’ka pushuar duket mu si Shqipëria dje e sot. Para shtatë vjetësh ky lumë i zi përmbyste shtëpi. Tani ka rrjedhën e tij të displinuar.
Projekti i rikonceptimit të qendrës së qytetit të Fierit solli një transformim tërësor urbanistik të qytetit i pa ndodhur në dekada. Tani Armando dhe stafi i tij kanë nisur fazën e dytë për rehabilitimin e lumit Gjanica, projekt që do të plotësojë mozaikun e ndryshimeve në Fier.
Ai si qytetari i parë i qytetit dhe si një nikoqir i mençur merakun e ka tek qëndrueshmëria e zhvillimit mjedisor, ekonomik, kulturor të kësaj bashkie. Për shumë punë të qytetit ai ka ngritur brigada specialistësh të mirëfilltë të cilët ja kanë ndryshuar faqen qytetit.
Ballkonet panoramike, shëtitoret dhe shkallaret janë një risi në anët e lumit.
Një tjetër fazë e rëndësishme që përfundoi këtë vit, si pjesë e qendrës së qytetit, është parkimi nëntokësor dhe orientimi i trafikimit me semafor. Sheshi qendror, i projektuar si një hapësirë pedonale e rekreative do të shërbejë për organizimin e aktiviteteve të ndryshme social-kulturore, duke rigjallëruar jetën e qytetit. Një element i ri urban që do i shtohet kësaj hapësire është ura e re pedonale e cila do të pajiset me stola dhe gjelbërim dhe do të shkrihet me sheshin qendror duke krijuar një lidhje të natyrshme midis Pallatit të Sportit dhe qendrës së qytetit”.
Edhe pse një vit i vështirë nga pandemia, bashkia Fier ka vijuar investimet:
Investimi në shkollën e mesme “Jovan Ndreko” në Libofshë, me një kapacitet rreth 300 nxënës që vijnë nga zonat, Libofshë, Agim, Metaj, Ndërnënas, Rreth Libofshë e Petovë dhe shkolla e Darëzezës janë gurë të rëndësishëm ndryshimi për arsimin. Është duke përfunduar ndërtimin e kompleksit sportiv në qytet që do të krijojë hapësira të reja stërvitore dhe argëtimi për të gjithë. Një sidë tjetër e njëriut që ktheu lumin e zi në lumë të bardhë është rikonstruksioni i plotë i teatrit “Bylis” duke filluar që nga skena, dhomat e aktorëve, holli e gjithë infrastruktura e brendshme, akomodimi e duke vazhduar me fasadën tërësisht të rehabilituar dhe të rikonceptuar së bashku me lulishten përreth dhe ambientin e jashtëm. Bashkia e Fierit, ka një vijë bregdetare prej 27 km, të pashfrytëzuar dhe që për fat të mirë i ka shpëtuar masakrës bregdetare dhe do të bëhet atraktive origjinale bio.
“Roli i Këshilltarit në Konsultimet me Publikun; Miratimi i Buxhetit në Fokus”
Nxitja dhe inkurajimi i Këshillit Bashkiak për të ushtruar në mënyrë të sukseshme funksionin e lidershipit në proçesin e Konsultimit Publik ka qenë fokusi i trajnimit të organizur sot në qytetin e Fierit.
Projekti “Bashki të Forta” ka filluar kështu serinë e trajnimeve me Komisionet e Ekonomisë dhe Buxhetit të Këshillave Bashkiak Patos, Roskovec, Skrapar dhe Mallakastër, të cilët pasi kanë pregatitur buxhetin interaktiv e kanë publikuar atë në faqen e ëebsitit të tyre për të përfshirë sa më shumë qytetarë dhe grupe interesi në proçesin e konsultimit online të Buxhetit Vjetor dhe atij Afatmesëm.
Ky trajnim synon të përmiresoj edhe më tepër tranparencën në vendimmarrje si dhe të përfshije zërin dhe mendimin qytetar në planet, programet dhe politikat vendore, nëpërmjet përfshirjes së Këshillit Bashkiak në proçesin e Konsultimit publik.
Pjesëmarrësit në trajnim ishin Keshiltarë, sekretarë të këshillit, Kordinator të konsultimit me publikun, Drejtues të Financave Vendore dhe përfaqësues të Prefekturës Fier.
Trajnimi u zhvilua në formën e një debati konstruktiv, duke sjellë në vëmendje praktika të mira të këshillave vendor dhe nxitjen e këshillave të tjerë që të ndjekin këto praktika.
Qëllimi i këtij trajnimi ishte të forcojë kapacitetet e Këshilltarëve në lidhje me:
(i) rolin përfaqësues në lidhje me konsultimin publik ne pergjithësi dhe ne veçanti përgjate procesit te aprovimit te buxhetit të bashkisë;
(ii) përvetësimin e elementeve të konsultimit ne pergjithësi dhe të buxhetit në veçanti (fazat, procesi, modelet tip, dokumentacioni, kalendari, afatet);
(iii) aftësimin për të ndërmarrë konsultime të suksesshme për përmirësimin e buxhetit.
Një i ri nga Shqipëria po vendos vendin e tij në hartën botërore në industrinë e marketingut digjital. Quhet Luis Begaj, dhe është 21 vjeç. Luisi është një ekspert i ri dhe energjik i mediave sociale nga Durrësi, Shqipëri.
Ai është një nga tregtarët digjitalë me rritjen më të shpejtë në Evropë. Dhe jo vetëm si tregtar i mediave sociale, por Luisi gjithashtu po bën emër në industrinë e dërgesave të drejtpërdrejta (drop-shipping – formë e efektshme biznesi me pakicë, ku shitësi pranon porosi të klientit, por nuk i mban mallrat e shitura në magazinë).
Në vend të kësaj, në një formë menaxhimi të zinxhirit të furnizimit, ai transferon porositë dhe detajet e dërgesave të tyre tek prodhuesi, shitës me shumicë, shitës me pakicë tjetër ose shtëpi përmbushjeje, që më pas i dërgon mallrat drejtpërdrejt te klienti. Si i tillë, shitësi me pakicë është përgjegjës për marketingun dhe shitjen e një produkti, por ka pak ose aspak kontroll mbi cilësinë e produktit, ruajtjen, menaxhimin e inventarit ose transportin.
Kjo eliminon kostot e mirëmbajtjes së një depoje – apo edhe të një dyqani me tulla dhe llaç, blerjen dhe ruajtjen e inventarit dhe punësimin e stafit të nevojshëm për funksione të tilla. Si në çdo formë tjetër të shitjes me pakicë, shitësi bën fitimin e tyre në diferencën midis çmimit me shumicë dhe pakicë të një artikulli, minus çdo tarifë përkatëse e shitjes, tregtarit ose transportit që i takon – sipas Wikipedia-s).
Luisi, që banon në Durrës, filloi karrierën e tij në sferën e marketingut digjital vetëm para pak kohësh. Duke qenë se ai aktualisht ka më shumë se 46 mijë ndjekës në Instagram, mund të themi se ai po punon shkëlqyeshëm. Madje, dhe për marketologët me përvojë, është mjaft e vështirë të të kapin këto nivele pajtimtarësh.
Kur u pyet për përpjekjet e tij, Luis thotë: “Ka shumë probleme. E rëndësishme është të përqendrohesh dhe të jesh të etur për të mësuar. Fatmirësisht, në ekipin tim kisha shumë mbështetës, të cilët i falënderoj shumë. Kemi qëndruar pozitivë dhe të kokulur. Është kjo që të detyron të ecësh përpara”.
Dëgjoni këtë të ri duke folur për rrugëtimin e tij. Ai i bën të gjitha këto të duken kaq të thjeshta dhe të lehta. Mund të duket sikur Luisi ka fituar gjithçka rehat-rehat dhe pa mundim. Por realiteti është se pati shumë dështime dhe iu desh durim për të arritur atje ku është sot.
Luisi është marketolog-autodidakt i mediave sociale, dhe duke mos pasur praktikisht kurrfarë udhëzimesh se si ecet përpara, ai u përball me shumë pengesa. Por qysh në fillim e mbajti veten të motivuar.
Për njerëz si Luisi, që përpiqen të ngrihen nga e para, nuk është kurrë e lehtë, por edhe kurrë e pamundur. Ju duhet të vazhdoni të nguteni. Dhe mënyra se si ai merret me situata të vështira tregon dashurinë dhe përkushtimin për punën dhe pasionin e tij. Luisi do të jetë histori frymëzuese për rininë qe aspiron në këtë industri.
Diten e sotme ish deputeti i Partise Demokratike dhe njekohesisht kryetari i PD per qytetin e Fierit, z. Luan Baci, ka denoncuar ndotjen nga hidrokarburet ne Lumin Gjanica. Kjo plage e qytetit te Fierit dhe me gjere duhet te perfundoje sa me shpejt, por sa do zgjase kjo retorike e shemtuar politike ne vendin tone? “Bej si them une, por mos bej si bej une” kjo eshte pak a shume ajo qe kishte pasqyruar z. Baci ne statusin e tij ne facebook, duke harruar qe kjo ndotje ka qene dhe gjate qeverisjes se PD dhe per kete dhe shume fakte te tjera, kjo qeverisje i detyrohet ti kerkoje falje popullit Shqiptar. Ky eshte statusi i plote i z.Baci:
GJANICA Lumi qe pershkon qytetin e Fierit dhe qe rilindasit me Subashin premtuan aq shume.
Premtuan nje pastrim dhe sistemim ne gjithe gjatesine e lumit. Por sistemuan vetem gjatesine, qe pershkon pjesen e dukshme ne qender te qytetit.
Premtuan qe uji do te ishte i paster si kristal, madje do te kishte mundesi peshkimi dhe mbi te, do te fluturonin rosat e bukura.
Por sot aty eshte nje tmerr i vertete, uji i ndotur, ere e rende, ere mbytese dhe e padurueshme.
Çdo dite derdhen mbetje te hidrokarbureve, qe perhapin eren e padurueshme dhe gati helmuese.
Kush kalon ne mbremje afer tij, detyrohet te largohet me shume nxitim, pasi frymemarrja nuk funksion me, thithja e gazit eshte e padurueshme. Duke mos harruar ketu dhe urinimet e shpeshta poshte ures, vertete te papergjegjshme nga ata qe e kryejne kete veprim, por mos te harrojme, se qyteti eshte pa asnje banjo publike, besoj se dhe kjo eshte detyre e Subashit, per ti sistemuar. E paperballueshme eshte kjo situate, ne gjithe gjatesine e tij, por shume e ndjeshme eshte per qytetaret e shumte qe vizitojne “KOMPLEKSIN APOLLON” nje kompleks i mire organizuar me nje park te mrekullueshem dhe lodra per femije, i shume frekuentuar nga shume familjare me femijet e tyre.
Por ketu eshte nje gjendje katastrofike e vertete, era e rende dhe mbytese ndihet me shume se kudo, sipas deshmise se shume qytetareve, minj, gjarperinj dhe insekte gjithandej, bashkia megjithese banoret jane ankuar me dhjetra here, askush nuk ju pergjigjet.
Banoret ekzistues ketu si dhe vizitoret qytetare, jane taksa pagues te rregullt, por asnje takse nuk ju kthehet ne sherbim.
Ne shume raste qytetaret qe vizitojne kete park te bukur, tashme e dine oren qe do te derdhen mbetjet hidrokarbure dhe era mbytese dhe helmuese do te mbuloje parkun dhe qytetin dhe per pasoje ata ngrihen dhe ikin si me komande.
Erdhi era helmuese thone, erdhi Subashi.
P.S.
Pamjet jane te dy diteve me pare, afer kompleksit “APOLLON” ( per te gjithe ata qe paguhen nga Subashi, per te bere diversionin e radhes mos u lodhni duke sulmuar dhe mashtruar.) /lajmetereja.com/
Boronicat janë të ëmbla, ushqyese dhe shumë të shëndetshme. Këto fruta kaq të vogla i bëjnë kaq mirë trupit dhe mendjes sonë. Boronica ndihmon trurin dhe zemrën, mbron sytë dhe lëkurën. Antioksidantët që gjenden te boronicat, sidomos ato që rriten të egra në tokat shqiptare, neutralizojnë radikalet e lira që nxisin disa sëmundje si ato të zemrës apo tumoret.
Pa yndyrna dhe me vetëm 84 kalori për një kupë, boronicat janë të pasura me fibra që të mbajnë të ngopur për një kohë të gjatë. Vetëm pak boronica në ditë përmbushin nevojën ditore për fibra. Boronicat janë një burim i shkëlqyer mangani. Ky mineral luan një rol të madh në konvertimin e karbohidrateve dhe yndyrnave në energji.
Boronicat përmbajnë dhe shumë vitaminë C. Ajo ndihmon në formimin e kolagjenit dhe ndihmon për të pasur mishrat e dhëmbëve të shëndetshëm. Gjithashtu boronicat, së bashku me luleshtrydhet mendohet se kanë një ndikim shumë pozitiv në uljen e rrezikut të sëmundjeve kardiake tek femrat.
Boronicat Për Uljen e Tensionit Të Gjakut Studimet të cilave u referohet AgroËeb.org thonë se ngrënia e një filxhani çaji me boronica (ose 200 gramë) çdo ditë ndihmon në uljen e tensionit të gjakut. Kjo sasi boronicash arrin të përmirësojë funksionin e enëve të gjakut dhe të ulë nivelet e tensionit sistolik të gjakut. Këto studime janë bazuar në eksperimente të kryera tek burra dhe gra. Ata kanë konsumuar këtë sasi boronicash çdo ditë për një muaj me rradhë. Sipas ekspertëve, tensioni i gjakut përmirësohet në vetëm 2 orë pas konsumit të boronicave në formë të plotë ose si lëng.
Gjatë konsumit mujor të boronicave tensioni sistolik mund të bjerë mesatarisht me 5 mm/hg. Një efekt i ngjashëm ky me atë të medikamenteve kundër tensionit të lartë. Ekspertët thonë se ky përfitim i boronicave i atribuohet nivelit të lartë të antiksidantëve. Këto janë përgjegjës edhe për ngjyrën e errët të boronicave. Antioksidantë të tillë gjenden edhe tek fruta të tjera të pyllit siç janë manaferrat por boronicat kanë nivelet më të larta. Kët antioksidantë përmirësojnë funksionin e qelizave në shtresën e brendshme të enëve të gjakut dhe lehtësojnë qarkullimin e pandërprerë të tij. Këshillohet të mos anashkaloni kueshillat e mjekut dhe medikamentet që ai mund t’ju japë për tensionin./Agroweb/
Bashkëkryetari i Komisionit të Posaçëm Parlamentar për Reformën Zgjedhore, Damian Gjiknuri, theksoi sot se “hapja e listave është një eksperiment i madh social sepse ne nuk e dimë se si do të sillen zgjedhësit. Procesi i listave të hapura, sidomos nëse ka më shumë se një zgjedhje, krijon kaos në numërim dhe precedencë të lartë për vota të pavlefshme , pra kemi konfuzion për zgjedhësit”.
Në një intervistë televizive Gjiknuri tha se “ky është një eksperiment social sepse stadi i shqiptarëve sot kërkon një lloj hapje të listave dhe mendojnë se kjo do të sjellë përmirësim në cilësinë e përfaqësimit, pra mund të jetë një element vetëkorrigjues që mund të bëjnë partitë politike”.
“Partia paraqet një ofertë politike, ku ka bërë një renditje, natyrshëm që partitë janë institucione politike, nuk janë organizata që janë krijuar të çastit, vetëm për zgjedhje. Drejtimi partisë del me një ekip që nuk mund të jetë perfekt, mund të ketë edhe probleme, por është pikërisht hapja e listave 100%, siç ne e kemi shkruar, që bën të mundur rirenditjen në rast se një kandidat ka peshë elektorale”, – nënvizoi Gjiknuri.
Më tej Gjiknuri u shpreh se “hapje do të thotë e drejta e zgjedhësit për të zgjedhur, për të vënë votën tek një nga kandidatët, por Kushtetuta e Shqipërisë ka parashikuar që ata janë individë të propozuar nga partitë politike dhe fryma e Kushtetutës thotë që zgjedhësi voton edhe për partinë edhe për kandidatin. Pra edhe për ekipin politik, por edhe për preferencë për një kandidat të veçantë”.
“Që ti të demonstrosh se ke peshë elektorale, duhet të marrësh vota siç tradicionalisht merr partia për shkak të një mandati, pasi ti po konkurron edhe me dividendin politik me siglën time. Nëse ti demonstron se ke vota përtej siglës, dalja me siglën e PS-së, atëherë përdoret kjo formulë dhe këtë e kalojnë dy apo tre persona, por ne nuk kemi pse t’i paragjykojmë”, – theksoi ai.
Gjiknuri tha se “partia shkon me një renditje, që në fillim vendos më të mirët. Partitë zgjedhin njerëzit që kanë vota ky është parimi. Nga ana tjetër, partia ndëshkohet nëse shkon me një listë të keqe”./k.s./z.a
Xhamia Mbret ose Xhamia e Sulltanit, një nga xhamitë kryesore të Beratit ndodhet në qendër të qytetit si pjesë e një kompleksi arkitekturor ku veç saj janë dhe teqeja Helvetive me gjithë konakët, si dhe ajo e Sheh Qerimit.
Kryeministri Edi Rama në rubrikën e tij “Shqipëria e bukur”, publikoi sot pamje nga restaurimi që po kryhet në këtë monument kulture.
Në kuadër të programit të Ministrisë së Kulturës “Rrugët e Besimit”, Xhamia Mbret i është nënshtruar ndërhyrjeve restauruese, të financuara nga Agjencia Turke për Zhvillim (TIKA) dhe e mbikëqyrur nga Instituti i Monumenteve të Kulturës. Projekti i restaurimit është hartuar në bashkëpunim me specialistët e Institutit të Monumenteve të Kulturës dhe parashikon restaurimin e plotë të xhamisë.
Xhamia Mbret është një nga objektet e kultit islam më të rëndësishëm në qytetin e Beratit dhe monument kulture i kategorisë I i shpallur që në vitin 1948. Ajo është pjesë e kompleksit të Qendrës Islamike dhe është ndërtuar nga Sulltan Bajaziti II në fund të shekullit XV./k.s//a.a/
